Këshilli Shqiptar i Medias prezantoi sot, 29 Janar 2019, gjetjet nga një proces monitorimi mediash i zhvilluar nga KSHM në një periudhë gjashtë mujore. Ky proces u realizua ne kuadër të projektit Media Observatory II, që synon vetërregullimin e medias në Shqipëri nëpërmjet zbatimit të Kodit të Etikës së Gazetarit.

Takimi u përshendet nga Znj. Vasilika Laci, përfaqësuese e Civil Rights Defenders, (CRD) që edhe mbështetën realizimin e këtij procesi. Z.Koloreto Cukali, kryetar i Keshillit Shqiptar të Medias shpjegoi metodën e zbatuar në kryerjen e këtij monitorimi.

Monitorimi u fokusua në 40 media online, kryesisht portale por dhe TV e media print. Studimi kishte si synim të paraqiste një fotografim numerik për të parë shkeljet më të shpeshta që hasen në media. Shkeljet e monitoruara u përzgjodhen nga Kodi i Etikës së Gazetarit. Numri i përgjithshem i mediave që u konstatuan shkelje është 35, ndërsa numri i përgjithshëm i shkeljeve në të gjithë procesin është 1280 për 5 muaj.

Numri më i lartë i shkeljeve është konstatuar në mediat me prodhim dhe qarkullim më të lartë informacioni, ndërsa shkelja më e shpeshtë e vënë re në proces është raportimi i procedurave gjyqësore dhe prezumimi i pafajsisë.

KSHM (kshm.al) është një organizatë e pavarur gazetarësh dhe mediash që ka si synim të promovojë vetërregullimin e komunitetit të medias si një mjet për të vendosur besimin te media dhe për të mbajtur lart besueshmërinë e saj para publikut shqiptar.

Të dhënat e detajuara të shkeljeve do të mund t’i gjeni pas pak ditësh nëwww.kshm.al

Bashkëlidhur gjeni prezantimin e gjetjeve dhe atë të metodologjisë.

Shkeljet e Etikës në median online

prezantimi metodologjia

Edhe NEW York Times raporton për reagimin e 4 mediave ndërkombëtare që i kërkojnë Qeverisë Shqiptare të tërheqë 2 projekt-ligjet për rregullimin e mediave dhe regjistrimin e detyrueshëm online me qëllim luftimin e lajmeve të rreme.

Në një letër dërguar të Mërkurën Kryeministrit Edi Rama dhe Ministres që Drejtësisë, Etilda Gjonaj, Qendra Europiane Për lirinë e Shtypit dhe të Medias, Federata Europiane e Gazetarëve, Reporterët pa Kufinj dhe PEN International, u kërkuan atyre të tërheqin këto ligje, të përfshijnë gazetarët në vendim-marrje dhe të kërkojnë asistencë ndërkombëtare për të thurur ligjet e reja.

Ata thanë që në vendet demokratike, “media online bazohen në vetë-rregullim.”

Në Tetor, OSBE, gjithashtu shprehu shqetësim për një plan për regjistrimin e detyrueshëm të website-ve në Shqipëri.

Shqipëria, sipas NYTimes, pret të hapë negociatat me BE-në vitin që vjen.

Lexo artikullin origjinal në lidhjen e mëposhtme

https://www.nytimes.com/aponline/2018/12/26/world/europe/ap-eu-albania-media-laws.html

Dy projektligjet e propozuara nga Këshilli i Ministrave dhe të shpërndara nga AMA në datën 11 dhjetor kanë nisur të kundërshtohen nga organizatat ndërkombëtare.

Politiko.al raporton që Qendra Europiane për Lirinë e Mediave me qendër në Laipzig të Gjermanisë i tha Politiko.al se propozimi që mediat online të rregullohen nga shteti është në kundërshtim me praktikat e vendeve europiane dhe përbën tentativë për kontrollimin e përmbajtjes dhe rrjedhjes së lirë të informacioneve.

Kliko në lidhjen me Politiko.al për të lexuar artikullin e plotë.

https://politiko.al/paketa-anti-shpifje-kundershtohet-nga-qendra-europiane-e-mediave-qeveria-te-ndaloje-procedimin-e-projektligjeve/

Këshilli i Medias reagon me shqetësim për 2 projektligjet e propozuara prej Këshillit të Ministrave e të shpërndara nga AMA në datën 11 dhjetor, te grupet e Interesit të Medias, përkatësisht: “Për disa ndryshime dhe shtesa në ligjin nr.97/2013 “Për mediat audiovizive në Republikën e Shqipërisë”, i ndryshuar”, si dhe “Për disa shtesa dhe ndryshime në ligjin nr. 9918, datë 19.5.2008 “Për komunikimet elektronike në Republikën e Shqipërisë”, i ndryshuar”.

Këto 2 projektligje, sidomos ai për Mediat Audiovizive është një projektligj represiv e regresiv që cënon rëndë lirinë e fjalës, lirinë e informimit dhe procesin e vetërregullimit të medias.

Tryeza e parë e debatit u bë vetëm 6 ditë pas marrjes në dorë të ligjit, më 17 dhjetor, dhe vërehet një ngut për t’i mbyllur 4 takimet e debatit mbi projektligjet (që kërkohen sipas ligjit) në një kohë rekord, gjatë periudhës së festave, kur ndërkombëtarët i kanë mbyllur zyrat e kur njerëzit ikin me pushime.

Ekspertët ligjorë të medias të konsultuar nga Këshilli i Medias vërejnë se ligji është fokusuar kryesisht për të futur nën kontroll mediat e reja (online) dhe organi që ka në dorë sanksionimin me gjoba marramendëse (deri në 1.000.000 Lekë të reja) ose ndëshkimin me mbyllje të portaleve online (edhe për 1 vit) është Këshilli i Ankesave i AMA-s i cili nuk garanton paanësi e pavarësi politike, duke qenë pjesë e një institucioni shtetëror.

Shqetësues është dhe fakti që projektligji për AMA-n i jep të drejtë Këshillit të Ankesave të AMA-s që të mbyllë në një kohë rekord çdo portal të regjistruar në AKEP deri dhe për një vit, madje, të bllokojë përjetësisht aksesin në çdo website të regjistruar jashtë vendit, qoftë ky portal dhe NY Times apo CNN.com. Kjo qasje dëmton një nga themelet bazë të lirisë të individit në Shqipëri.

Pasojat nëse ky ligj kalon, do të jenë të katastrofale për procesin e vetërregullimit ku institucionet e BE-së e UN-it janë investuar prej vitesh. Gjithashtu, pasojë direkt e këtij ligjit do të jetë autencura e mediave nga frika e reagimit të shproporcionuar por dhe censura e drejtpërdrejtë nga ana e kujtdo të veshur me pushtetin e mjaftueshëm për të ndikuar vendimet e një institucioni tashmë politik, si AMA dhe këshilli i saj i Ankesave.

Mediat online paraqesin mjaft problematika, por, këto 2 projektligje nuk ofrojnë zgjidhje reale, por veç mjete ligjore për censurë e auto-censurë. Koha ka ardhur që për të zgjidhur problemet e medias të nisim një proces serioz vetë-rregullimi.

Këshilli i Medias, në emër të gazetarëve dhe medieve që përfaqëson, u kërkon BE-së, OSBE-së, organizatave të gazetarëve,organizatave për të drejtat e njeriut dhe komunitetit të mediave që të bashkohen e të reagojnë ndaj këtyre 2 projektligjeve që cënojnë lirinë e medieve të reja në Shqipëri dhe të bëjnë presion pranë Qeverisë e Kuvendit që problemet e medies të zgjidhen përmes vetërregullimit.

Shtypi është i lirë! Por, sipas këtyre projektligjeve, jo edhe për shumë kohë.

Në emër të Këshillit të Medias

Kryetari

Koloreto Cukali

lidhje për 2 projektligjet

[icon type=”download” size=”1x” pull=”left”]Për disa ndryshime dhe shtesa në ligjin nr.97/2013 “Për mediat audiovizive në Republikën e Shqipërisë”, i ndryshuar”,

[icon type=”download” size=”1x” pull=”left”]Për disa shtesa dhe ndryshime në ligjin nr. 9918, datë 19.5.2008 “Për komunikimet elektronike në Republikën e Shqipërisë”, i ndryshuar”

Këshilli i Medias i ka ndjekur me vëmendje zhvillimet në lidhje me propozimin për kriminalzimin e shpifjes duke e vlerësuar si një hap mbrapa në raport me lirinë e medias, por edhe me direktivat e BE-së në raport me procesin e integrimit.

Këshilli beson se liria e shprehjes është instumentale për Shqipërinë, një vend që preket herë pas here nga tendecat e politikës për të ushtruar trysni mbi median dhe zërat kritikë të shoqërisë.

E vetmja mënyrë për të imponuar etikë më të lartë në gazetari është lehtësimi dhe mbështjetja e proceseve të vetërregullimit të medias, që është dhe objektivi kryesor i Këshillit Shqiptar të Medias.

Regjistrimin e portaleve, në anë tjetër, e shohim si një proces adekuat dhe të vlefshëm, por jo edhe procesin publik të ushtrimit të presionit, siç ishte rasti i publikimit të listës nga ana e AKEP. Listë e cila rezultoi pjesërisht e pasaktë dhe e padrejtë me disa prej portaleve të regjistruara me procese të rregullta ligjore.

Po ashtu nuk mbështesim përpjekjet për ta parë këtë hap normal legalizimi jo si databazë por si bazë për intimidim të gazetarëve të pavarur apo kritikë me qeverinë.

Këshilli do të oganizojë së afërmi një konferencë me faktorët relevantë të medias, politikës, shoqërisë civile dhe komunitetit ndërkombëtar me qëllim konfigurimin e një kornize profesionale, ligjore dhe integruese qe bazohet te shembujt më të mirë europianë.

Këshilli i nxit të gjitha palët drejt të kuptuarit se Media dhe liria e fjalës janë thelbësore në procesin, jo vetëm të integrimit europian, por edhe atij të brendshëm.