Reagim: Mediat Kanë të Drejtën e Aksesit!

/in

KSHM shpreh shqetësimin e vet për mos-akreditimin e medias Report TV për të ndjekur e raportuar ndeshjen e rradhës së Kombëtares shqiptare.

Detyra e medias është të raportojë, ndër të tjera dhe eventet me interes të lartë publik dhe lejimi i aksesit është e drejtë parësore e cila duhet respektuar pavarësisht politikave editoriale të çdo medieje.

Shqipëria ka plot shembuj negativë të listave të “zeza” të mediave ose gazetarëve që u mohohet aksesi për të raportuar, që nga Qeveria, Bashkitë e deri te Partitë politike. KSHM fton FSHF-në që të mos e aplikojë këtë metodë anti-demokratike dhe të dëshmojë që është një institucion modern me standarte perëndimore.

REAGIM: Policia e shtetit duhet të bëjë kujdes me trajtimin e gazetarëve që raportojnë protestat!

/in

KSHM është shumë i shqetësuar për disa episode ku është penguar puna e gazetarëve në raportimin e protestave të ditëve të fundit.

Sipas raportimeve që na vijnë nga media anëtare të Aleancës për Media Etike, ka patur një episod ku një kameran është goditur nga një civil (i dyshuar që mund të qenë ketë efektiv policie) në Durrës, ndërsa gazetarët janë shtyrë e shtypur nga policia në Tiranë,  ku një gazetare ka përfunduar në Spital në Tiranë nga dhuna e policisë.

Policia e shtetit duhet të ketë vëmendje maksimale që çdo gazetar e kameraman që gjendet në protesta për të raportuar është i paprekshëm dhe çdo episod dhune do të raportohet në instancat më të larta europiane e ndërkombëtare. Ne nuk mund të presim që gazetarët të vriten, për të reaguar.