Takim i Këshillit të Medias me Ambasadorin e BE-së, Soreka

Dje, në mjediset e Europa House u zhvillua një takim me Ambasadorin e BE-së në Shqipëri, z. Luigi Soreka.

Takimi pati si qëllim shkëmbimin e ideve mbi situatën e medias në Shqipëri. Ambasadori Soreka u shpreh se bashkë me reformën në drejtësi, liria e medias është një nga prioritetet e BE-së për Shqipërinë në rrugën drejt familjes europiane. Gazetaria cilësore është thelbësore për të mbajtur nën kontroll të gjithë sektorët e tjerë & për të ofruar informacion të besueshëm për publikun, theksoi Ambasadori.

Sipas Kryetarit të KShM, Cukali, vetërregullimi si proces është shumë i rëndësishëm, por ai duhet shoqëruar me vullnet politik për të bërë reforma që të përmirësojnë klimën e medias si psh, në aspektin ligjor të konfliktit të interesit.

Ambasadori foli me bindje se ndihma e BE-së për mediat e gazetarët do vijë në rritje, si në sasi por dhe në shpërndarje.