Tag Archive for: Exit.al

Exit.al media e parë në Shqipëri dhe Ballkanin Perëndimor e cila përfundoi Auditimin e Pavarësisë dhe Profesionalizmit

/in

Shqipëria dhe Ballkani Perëndimor tanimë kanë median e parë e cila përfundoi me suskses  auditimin e kryer nga Rrjeti i Gazetarisë Etike ‘Iniciativa e Mirëbesimit të Gazetarisë’.

Lajmin e publikoi Exit.al në faqen e tyre. Projekti i auditimit të Pavarësisë dhe Profesionalizmit u mbikëqyr nga presidenti i EJN-s Aidan White.

Këshilli Shqiptar i Medias përgëzon Exit.al për rezultatet e arritura.

Ky është një lajm i shkëlqyeshëm për mediat shqiptare. Deri më tani vetërregullimi është dukur si një barrë në të cilën ne jemi disi “të detyruar” sepse duam ta mbajmë qeverinë larg trajtimit të rregullimit të etikës – tha Koloreto Cukali, drejtues i KSHM-së.

Këshilli Shqiptar i Medias do të merret me çdo çështje të përshkallëzuar për të menaxhuar çdo ankesë të Exit.al.

Qëllimi përfundimtar i projektit është të mbështesë “lirinë universale, individuale të mendimit përmes qasjes në informacion dhe mediave të pavarura, pluraliste. Duke ruajtur standardet profesionale, duhet të shfaqet një peisazh i shëndetshëm i medias dixhitale, nga i cili çdo qytetar dhe punonjës mediatik, por edhe shoqëritë në përgjithësi, mund të përfitojnë. ”

Procesi ndjek pesë parime kryesore, të cilat Exit.al do t’i zbatojë përmes kodit etik, politikave të brendshme dhe të jashtme, udhëzimeve editoriale, udhëzimeve të një ombudsmani të pavarur dhe trajnimeve dhe rishikimeve të vazhdueshme.

  • Saktësia dhe komunikimi i bazuar në fakte;
  • Pavarësia nga qendrat e pushtetit politik, të korporatave ose të tjera;
  • Paanshmëria e duhur në një qasje sistematike të raportimit dhe redaktimit;
  • Drejtësia, respekti dhe konsiderimi i ndikimit të gazetarisë në jetën e të tjerëve;
  • Transparenca për të lehtësuar llogaridhënien dhe përgjegjësinë ndaj publikut.

 

“Angazhimi i Exit News për etikën është një garanci për publikun në lidhje me cilësinë e gazetarisë së tij.

Në këto ditë të vështira, njerëzit bombardohen me informacione – shumica e tyre janë false, të deformuara dhe madje abuzive. Për të luftuar këto kërcënime, mediat duhet të rinovojnë angazhimin e tyre për të treguar të vërtetën, transparencën dhe raportimin etik.

Exit News e ka bërë pikërisht atë duke vendosur një standard që të gjithë gazetarët duhet të ndjekin, jo vetëm në Shqipëri, por në të gjithë Ballkanin Perëndimor dhe Bashkimin Evropian,- është shprehur White.

 

 

Krijohet “Aleanca për Media Etike”

/in

19 media shqiptare u angazhuan sot për të ndërtuar një mekanizëm vetërregullues, përmes një bashkëpunimi të quajtur “Aleanca për Media Etike”.

Aleanca për Media Etike është fillimi i një procesi për të ngritur dhe respektuar standartet e etikës në media, ajo është e hapur dhe dhe pritet që në të të anëtarësohen dhe media të tjera.

 Të pranishëm në themelimin e Aleancës për Media Etike ishin dhe Ambasadori i BE-së, z. Luigi Soreca, Ambasadorja e Mbretërisë së Vendeve të Ulëta, Znj. Guusje Korthals Altes, Adeline Hulin nga UNESCO, Olsi Dekovi nga Zyra e Këshillit të Europës të cilën në fjalën e tyre, shprehën mbështetje të hapur për këtë inisiativë.

Sipas Ambasadorit Soreca, “…inisiativa e sotme vjen në kohën e duhur, ndërsa Parlamenti po pret opinionin e Komisionit të Venecias përpara votimit të të ashtuquajturit ‘paketa antishpifje’. […] ne kemi shprehur shqetësimet tona për inisiativën aktuale të Qeverisë për amendimin e ligjit për shërbimet mediatike. BE-ja ka kërkuar që kjo inisiativë të adresojë rekomandimet e Këshillit të Europës dhe, në përgjithësi, të jetë plotësisht në përputhje me standartet europiane dhe ndërkombëtare në fushën e lirisë së shprehjes dhe lirisë së medias. Kjo, ka akoma nevojë për t’u realizuar.”

Në Aleancën për Media Etike, ABC News, Citizens-Channel.com, Gazetadita.al, Droni.al, Dosja.al, Exit.al, Faktoje.com, Javanews.al, Gazeta-Shqip.com, Lapsi.al, Liberale.al, Mapo.al, Opinion.al, Ora News, ORA TV, Politiko.al, Shqiptarja.com, Syri.net dhe Report TV, kanë rënë dakort së bashku që të respektojnë Kodin e Etikës së Gazetarit dhe të drejtën e autorit.

Brenda muajit shkurt Aleanca do të zgjedhë një Bord të Etikës, me integritet e profesional, ku qytetarët mund të ankohen nëse kanë probleme me etikën. Në faqet e mediave të Aleancës do të mund të vendoset një “buton” me logon e Aleancës i cili verifikon që këto media janë profesionalisht të përkushtuara për etikën dhe përmes të cilit qytetarët mund të ankohen për shkeljet e etikës dhe të kërkojnë zgjidhje.

19 mediat e Aleancës janë të hapura për ankesat dhe janë përkushtuar për të respektuar vendimet e këtij bordi.

Përfaqësuesit që ishin mbedhur në sallë ngritën shqetësimin e ligjit të AMA’s, dhe mundësinë që nëse ai kalon të dublojë punën e Bordit të Etikës. Ky ligj u konsiderua si një pengesë konkrete për realizimin e vetërregullimit të medias sipas standarteve europiane, madje u shpreh dhe shqetësimi që qeveria shqiptare mund të injorojë dh erekomandimet e Komisionit të Venecias.logot e mediave anëtare të Aleancës për Media Etike

Gazetarët kërkuan që Aleanca të mos mjaftohet vetëm me ruajtjen e standarteve etike, por dhe të krijojë një bashkësi mediash që të dalin së bashku në mbrojtje të fjalës së lirë dhe të të drejtave të gazetarëve.

Në mbledhjen e parë të Aleancës u përcaktua 1 Marsi si data kur sistemi i ankesave të bëhet operativ dhe të publikohet në faqet e anëtarëve të Aleancës.