Tag Archive for: anti-defamation

Deputetët Holandezë: Ligji ‘Anti-shpifje’ duhet të ndryshohet përpara se të fillojnë bisedimet e pranimit në BE

/in

Anëtarët e Parlamentit Holandez  kanë kërkuar nga qeveria e tyre të sigurojnë që Shqipëria të ndryshojë ligjin e diskutueshëm “kundër shpifjes” në përputhje me rekomandimet e ardhshme të Komisionit të Venecias, raportoi sot Exit.al.

Parlamenti Holandez

Procesverbali parlamentar për debatin e mbajtur mbi Integrimin Evropian thotë se deputetët Holandezë do të mbështesin hapjen e negociatave për bisedimet e pranimit me Shqipërinë. Megjithatë ata thanë që një numër çështjesh duhen adresuar përfshirë procesin e verifikimit gjyqësor, korrupsionin, krimin e organizuar, kërkesat e pabaza të azilit ndër të tjera. Gjithashtu theksohet që duhet të jetë një përparësi kryesore fillimi i procedurave kundër atyre që akuzohen për blerje votash.

Thuhet qartë se ligji për media duhet të ndryshohet për të pasqyruar rekomandimet e Komisionit të Venecias, duke vërejtur se ky është gjithashtu një përparësi e rëndësishme (Për më shumë, lexoni në  Exit.al)

Shqetësimet për ligjin janë ngritur nga organizatat vendore dhe ndërkombëtare të lirisë së mediave, OSBE, CoE, BE dhe anëtarët e Parlamentit të BE-së për frikën se ligji do të përdoret si një mjet politik për të kontrolluar median e pavarur.

Këshilli Shqiptar i Medias ka reaguar me shqetësim për këtë ligj dhe cëninim e lirisë së shtypit shumë herë, gjatë rimishërimeve të ndryshme të tij.

Organizatat e mediave kundër miratimit të ligjit sot në Kuvend

/in

Grupi i organizatave të renditura në fund të kësaj deklarate, në përfundim të votimit parlamentar të të ashtuquajturës paketë anti-shpifje, lëshon këtë deklaratë publike:

  1. Ne dënojmë vendimin e Kuvendit të Shqipërisë për të lënë në fuqi këtë paketë ligjore në kundërshti të hapur me kritikat më të arsyeshme të ekspertëve vendës dhe ndërkombëtarë, përfshirë Këshillin e Europës dhe Komisionin Europian.
  2. Ne gjykojmë se shumica parlamentare socialiste humbi një mundësi të mirë për të reflektuar dhe për të demonstruar veten si një forcë demokratike, e përgjegjshme përballë shoqërisë shqiptare dhe aspiratave të vendit për integrim në Bashkimin Europian.
  3. Ne gjykojmë se një legjislacion i tillë bie ndesh me Kushtetutën e Republikës së Shqipërisë, konkretisht nenet 15,17 dhe 22 si dhe të Konventës Europiane për të Drejtat e Njeriut, konkretisht nenit 6 (e drejta për gjykim të ndershëm), dhe nenit 10, (liria e shprehjes).
  4. Ne nxisim të gjithë mediat dhe gazetarët ta injorojnë në tërësi këtë paketë ligjore si antikushtetuese dhe antidemokratike dhe ta konsiderojnë atë sikur nuk ka ekzistuar kurrë.
  5. Organizatat do të ndërmarrin të gjitha masat e nevojshme për të rrëzuar këto ligje regresive në tërësi dhe për t’i bërë ato të pavlefshme.
  6. Organizatat angazhohen të ndihmojnë çdo gazetar apo media që mund të preket nga këto ligje të padrejta.

Lista e organizatave firmëtare:

BIRN Albania

Civil Rights Defenders

Citizens Channel

Faktoje

Grupi Shqiptar per te drejtat e njeriut

Instituti Shqiptar i Medias

Instituti Shqiptar i Shkencave

Këshilli Shqiptar i Medias

Komiteti shqiptar i Helsinkit

Lidhja e Gazetarëve të Shqipërisë

New Media Network

Qendra Res Publica

Qendra Shqiptare MediaLook

Qendra Shqiptare për Gazetari Cilësore

Shoqata e Gazetarëve Profesionistë të Shqipërisë

Shoqata e Gazetarëve Europianë të Shqipërisë

Unioni i Gazetarëve ShqiptarëFaktoje

Instituti Shqiptar i Medias

Civil Rights Defenders

Instituti Shqiptar i Shkencave

Komiteti shqiptar i Helsinkit

Qendra Res Publica

Grupi shqiptar në mbrojtje të të drejtave të njeriut