Deklaratë për shtyp/ Prezenca e OSBE-së Shqipëri në Ditën Botërore të Lirisë së Shtypit

OSBE në Shqipëri ka dhënë një deklaratë për shtyp në Ditën Botërore të Lirisë së Shtypit në të cilën thotë se qëndron përkrah gazetarëve shqiptarë në misionin e tyre, veçanërisht në kohë krize si pandemia COVID-19.

Gjithashtu në deklaratën zyrtare ripërmenden rekomandimet e OSBE-së për median. Një ndër to tështë edhe vetërregullimi i medias si një alternativë e rëndësishme në mirëfunksionimin e saj në ndryshim nga rregullimi përmes qeverisë.

Deklarata e plotë e  OSBE-së

Në Ditën Botërore të Lirisë së Shtypit, Prezenca e OSBE-së në Shqipëri qëndron përkrah gazetarëve shqiptarë në përmbushjen e misionit kritik të medias në çdo vend demokratik e në çdo kohë, veçanërisht në kohë krize si kjo e pandemisë COVID-19. Ne i mbështetim gazetarët në përpjekjet e tyre për kontrata pune të mirëfillta, për më shumë qasje në informacion, për liri shprehjeje dhe për më shumë profesionalizëm.

Me  këtë rast, përsëritim edhe rekomandimet e OSBE-së që gazetarët të lejohen në veprimtari publike, veçanërisht gjatë fushatave zgjedhore; që pronësia e medias të mos jetë e përqendruar; dhe që shpifja të hiqet plotësisht nga Kodi Penal. Ne nxitim vetërregullimin e medias si një alternative më e mirëkrahasuar me rregullimin nga ana e qeverisë.