Liria e shtypit: Shqipëria zbret 2 vende! “Qeveria rriti përpjekjet për të kontrolluar mediat”!

Reporterë pa Kufi publikon renditjen e lirisë së shtypit në raportin “Liria e shtypit botëror 2020“. Në raport, Shqipëria ka  bërë regres duke u renditur e 84-a, dy pozicione më poshtë nga vitit i kaluar ku renditej e 82-ta.

Në tri vitet e fundit vendi ka pësuar një rënie të shpejtë të lirisë së medias dhe të drejtave të gazetarëve pavarësisht përpjekjeve për tu bërë pjesë e BE-së.

Shqipërinë e kanë lënë pas vendet si Haiti, Kirgistani, Qipro Veriore si dhe Kosova. Por gjithashtu Shqipëria ja ka kaluar vendeve të tjera të rajonit si Maqedoni, Mali i Zi, Serbi etj.

Në raportit të Reporterë “Kërcënimi i ligjit për shpifjen” thuhej se 2019 ishte një vit që qeveria rriti përpjekjet për të marrë kontrollin e mediave me justifikimin e parandalimit të lajmeve të rreme. Paketa e ashtuquajtur “anti-shpifje” u votua gjatë dhjetorit, “duke kufizuar liritë e shprehjes, informacionit dhe shtypit dhe duke kundërshtuar praktikat më të mira ndërkombëtare”.

Pasuar me përdorimin e tërmetit të nëntorit të vitit të kaluar me pretekstitn se dy gazetarë dhe aktivistë janë arrestuar për  shpërndarjen e “lajmeve të rreme” , mbylljen e mediave online kritike të qeverisë si dhe thirrjet e Kryeministrit Rama për publikun që të mbrohen nga media gjatë shpërthimit të pandemisë COVID-19 në mars 2020.

Reporterë pa kufij  vuri në dukje se Shqipëria, e cila synon të bëhet pjesë e Bashkimit Europian, nuk ka arritur të zgjidhë dhe të sanksionojë çështje të ndryshme të sulmeve fizike dhe kërcënimeve serioze kundër gazetarëve.