Tag Archive for: këshilli shqiptar i medias

KSHM dhe RES PUBLICA nisin një projekt për fuqizimin etik të mediave lokale

/in ,

Këshilli Shqiptar i Medias në bashkëpunim me Qendrën RES Publica bëri sot një takim në qytetin e Shkodrës, me një grup fokusi të përbërë nga gazetarë të njohur, të medias së shkruar e televizive, si dhe me studentë të gazetarisë për të diskutuar situatën e etikës e të mediave lokale, në kuadër të projektit “Promovimi i etikës dhe vetërregullimit në mediat lokale. Sfidimi i dezinformimit.”, mbështetur nga BE.

Përmes këtij grupi të fokusit, rezultoi që problemi kryesor i mediave lokale është financimi, çka jo vetëm kufizon resurset dhe mundësinë për një gazetari cilësore, por dhe i bën dhe editorialisht të varura mediat lokale nga burimi financiar.

Pagesat e ulëta të gazetarëve krijojnë një klimë ku gazetari nuk ndjehet i sigurt, çka ul cilësinë e puunës dhe ngre mosdëshirën për të marrë përsipër raportime të guximshme, që mund të vinin në rrezik sigurinë financiare ose dhe të jetës.

Humbja graduale e standartit të shumë burimeve të lajmit ishte një tjetër vëzhgim i cili u pranua dhe nga pjesëmarrësit në grupin e fokusit.

Një nga kërkesat kryesore ishte dhe aksesi në fondet e donatorëve për gazetarët.

Megjithatë, pavarësisht situatës jo të favorshme, duket sikur ka akoma një energji mes gazetarëve për të vazhduar punën me kurajë dhe studentët e gazetarisë për të mos hequr dorë nga ëndrra për t’u bërë gazetar, dhe gazetar i mirë.

Nga takimi me grupin e fokusit në Shkodër, nën kujdesin e gazetarit Ardi Hoti

KSHM dhe Organizatat e mediave: Ndalimi i TikTok-ut në Shqipëri kërcënim për lirinë e shprehjes përpara zgjedhjeve!

/in

Këshilli Shqiptar i Medias, së bashku me shumë organizata të tjera, vendase e të huaja, jnaë shprehur publikisht lidhur me vendimin e Këshillit të Ministrave të Shqipërisë më 6 mars 2025 për të pezulluar aksesin në platformën TikTok në shkallë kombëtare për 12 muaj. Duke e mriëkuptuar synimin e pohuar të qeverisë për të mbrojtur fëmijët nga përmbajtjet e dëmshme dhe për të siguruar mbrojtjen e të dhënave personale, theksojmë me forcë se masa të tilla mbrojtëse duhet të respektojnë plotësisht të drejtat themelore të njeriut, veçanërisht lirinë e shprehjes, aksesin në informacion dhe procesin e rregullt ligjor.

Liria e shprehjes dhe proporcionaliteti

Theksojmë se ndalimi i plotë i një platforme përfaqëson një kufizim ekstrem të së drejtës për lirinë e shprehjes dhe aksesin në informacion. Pezullimi në tëresi i një platforme të tërë tejkalon ndjeshëm parimin e proporcionalitetit, duke ndikuar në shprehjen legjitime të të gjithë përdoruesve dhe duke kufizuar debatin publik si dhe aksesin në burime të ndryshme informacioni.

Zgjidhje alternative të synuara, si moderimi i përmbajtjes, verifikimi i moshës dhe programe të përmirësuara të edukimit të përdoruesve, duhet të ishin shqyrtuar përpara se të vendosej një ndalim i përgjithshëm. Natyra e gjerë e kësaj mase krijon një precedent të rrezikshëm për ndërhyrjen joproporcionale të shtetit në të drejtat digjitale.

Si një vend kandidat për anëtarësim në BE, Shqipëria pritet të respektojë standardet evropiane për shtetin e së drejtës dhe liritë themelore. Kuadri ligjor i Aktit për Shërbimet Digjitale (DSA) të BE-së thekson llogaridhënien e platformave dhe transparencën në moderimin e përmbajtjes përmes një qasjeje të bazuar në analizën e riskut dhe proporcionalitet. DSA favorizon bërjen e platformave përgjegjëse për menaxhimin e risqeve në shërbimet e tyre, në vend që të ndëshkojë përdoruesit duke mbyllur platformat. Ne inkurajojmë Shqipërinë të harmonizojë qasjen e saj me këtë paradigmë.

Shqetësimet lidhur me procedet demokratike dhe zgjedhore

Me afrimin e zgjedhjeve parlamentare në maj 2025, momenti i këtij pezullimi është veçanërisht shqetësues. TikTok është shndërruar në një platformë në rritje për komunikimin politik dhe angazhimin e votuesve, veçanërisht për të rinjtë, votuesit për herë të parë dhe partitë politike apo lëvizjet e reja, të cilat argumentojnë se do të preken në mënyrë joproporcionale.

Duke kufizuar aksesin në këtë platformë, qeveria rrezikon të shtypë këto zëra në zhvillim, të dobësojë pluralizmin politik dhe të krijojë një efekt frikësues që mund të shtrihet përtej përdoruesve të TikTok-ut, duke ndikuar gazetarët, krijuesit digjital, aktivistët e shoqërisë civile dhe organizatat monitoruese të procesit demokratik.

Procesi i Rregullt Ligjor dhe Transparenca

Vëmë re se ky vendim pason njoftimin publik të Kryeministrit Rama në dhjetor 2024, ku ai përmendi konsultime me një grup të përzgjedhur prindërish dhe arsimtarësh. Megjithatë, ende mungojnë prova të mjaftueshme publike mbi shtrirjen, përfaqësueshmërinë dhe rezultatet e këtyre konsultimeve.

Theksojmë se vendime të kësaj shkalle dhe rëndësie duhet të bazohen në konsultime të plota, transparente dhe gjithëpërfshirëse, duke përfshirë organizatat e shoqërisë civile, organizatat mediatike, industrinë, avokatët e të drejtave digjitale dhe komunitetet e prekura.

Rreziqet e krijimit të një precedenti të rrezikshëm

Shprehim shqetësimin tonë se zbatimi i një ndalimi të përgjithshëm të një platforme krijon një precedent alarmues për Shqipërinë dhe rajonin. Kur qeveritë pretendojnë autoritet të gjerë për të mbyllur platforma popullore për shkak të shqetësimeve mbi përmbajtjen, ato rrezikojnë të hapin rrugën për kufizime të mëtejshme, duke kërcënuar lirinë e internetit në mënyrë më të gjerë.

U bëjmë thirrje autoriteteve shqiptare të shmangin krijimin e një precedenti të tillë dhe të sigurojnë që në të ardhshme aspektet e rregullimit të përmbajtjes në platformat digjitale të trajtohen përmes masave të specifike për grupe të ndryshme, të bazuara në evidenca dhe në përputhje me parimin e proporcionalitetit.

Rekomandime

I bëjmë thirrje qeverisë shqiptare të shfuqizojë menjëherë pezullimin e TikTok-ut dhe të nisë një proces konsultimi gjithëpërfshirës dhe transparent, duke përfshirë parlamentin, shoqërinë civile, organizatat mediatike, avokatët e të drejtave digjitale dhe partnerët ndërkombëtarë.

Ky proces konsultimi duhet të synojë zhvillimin e një kuadri rregullator proporcional dhe të bazuar në evidenca, në përputhje me standardet evropiane, veçanërisht Aktin e BE-së për Shërbimet Digjitale (DSA). Një qasje e tillë do t’i mundësojë Shqipërisë të adresojë në mënyrë efektive shqetësimet legjitime mbi sigurinë e fëmijëve dhe mbrojtjen e të dhënave, duke garantuar plotësisht lirinë e shprehjes, diskursin demokratik dhe procesin e rregullt ligjor të cilat janë elemente thelbësore në kontekstin e zgjedhjeve të ardhshme.

Rrjeti SafeJournalists

Shoqata e Gazetarëve të BH

Shoqata e Gazetarëve të Kosovës

Shoqata e Gazetarëve të Maqedonisë së Veriut

Shoqata e Gazetarëve të Kroacisë

Shoqata e Gazetarëve të Pavarur të Serbisë

Sindikatat e Media të Malit të Zi

Partnerët e Media Freedom Rapid Response:

Qendra Evropiane për Lirinë e Shtypit dhe Medias (ECPMF)

Federata Evropiane e Gazetarëve (EFJ)

Instituti Ndërkombëtar i Shtypit (IPI)

Shtypi i lirë i pakufizuar (FPU)

Osservatorio Balcani Caucaso Transeuropa (OBCT)

Organizata të tjera të shoqërisë civile

Qendra Shkencë dhe Inovacion për Zhvillim (SCiDEV)

Asociacioni i Gazetarëve të Shqipërisë (AGSH-AJA)

Qendra Shqiptare për Gazetari Cilësore (ACQJ)

Rrjetit Ballkanik të Gazetarisë Investigative në Shqipëri (BIRN Albania)

Këshilli Shqiptar i Medias

Res Publica

Citizens.al

Qendra MediaLook

Instituti për Demokraci dhe Ndërmjetësim (IDM)

Qendra për Mbrojtjen e të Drejtave të Fëmijëve në Shqipëri (CRCA-ECPAT)

The Albanian Media Council presents the pilot study Problems with Ethical Regulation of the Albanian Media from the Facebook platform

/in

On, February 24th, 2022, The Albanian Media Council presented at a press conference, held at the venue of Tirana Times,  the pilot study Problems with the Ethical Regulation of the Albanian Media by the Facebook Platform. The event brought together in a round table journalists, media professionals and organizations engaged in the implementation of media ethics. The pilot is supported by UNESCO through its project ‘BUILDING TRUST IN MEDIA IN SOUTH EAST EUROPE AND TURKEY’.

The study, which took place in the period January -February 2022, included cases identified during 2021, by 20 media, members of the Alliance for Ethical Media based on the self-declaration and aimed at identifying the type of FB interference in news articles published on this platform.

The AMC Chairman, Mr. Koloreto Cukali, in his speech said that the phenomenon of blocking articles was quite visible during data collection and consisted of four forms: deleting the material, blocking the page, blocking the distribution as well as in sponsorship block. Mr. Cukali said that after analyzing the data, there was a trend that a certain media, Facebook always blocked articles regardless of the category of the article (editorial, topicality, etc.) using the same argument.

The study included 22 documented cases and 50 reported cases as well as notifications by categories received from FB.

The Albanian Media Council presents the pilot study Problems with Ethical Regulation of the Albanian Media from the Facebook platform

Mr. Agim Doksani from the Albanian Media Institute praised the study conducted by the Council and suggested the construction of an complaint instance in order not to create a kind of censorship for certain articles.

Also, Mr. Roden Hoxha, Executive Director of the Albanian Center for Quality Journalism, said that in their publications they had encountered problems with sponsorships, where in 99% of cases review requests were not approved and were forced to do or sponsor with specific name or not to make sponsorships. This phenomenon brought later issues, says Mr. Hoxha.Prezantimi në Tirana Times 2022-02-24

Faceboook Censoring Albanian MediaDownload

Mbi standartin etik të publikimit të hetimeve të policisë

/in

Nisur nga një ngjarje e fundit e kronikës, ku mediat kishin publikuar informacion nga hetimet e policisë mbi një krim të kryer në Tiranë, Bordi i Aleancës për Media Etike konsideron se ka nevojë për njësimin e një standarti etik për këto raste.

Ndërsa është pjesë esenciale e punës së medias që të kërkojë informacione nga puna e policisë për çështje e ngjarje me interes publik dhe t’i publikojë ato, mirë është që të kihen parasysh disa elementë etikë në raportim.

Së pari, duhet ruajtur identiteti i dëshmitarëve ose dhe i të dyshuarve që hetohen në gjendje të lirë. Kjo bëhet jo vetëm për të mos dëmtuar hetimet, por dhe për të mbrojtur jetën e dëshmitarëve a të dyshuarve që mund të vihet në rrezik nëse dekonspirohet.

  1. Vendlindja dhe mosha e dëshmitarit ose të dyshuarit (përveçse kur janë esenciale për të kuptuar natyrën e ngjarjes) nuk ka nevojë të vihen në raportim, edhe nëse figurojnë në informacionin e marrë prej policisë.
  2. Elementë të tjerë identifikues, si shkolla, lagjia ku banon, institucioni ku punon, nuk duhen përfshirë në raportim sepse bëjnë të mundur identifikimin e personit (përmes kryqëzimit të të dhënave).
  3. Praktika më e mirë e gazetarisë, kërkon që të mos përdoren inicialet e vërteta, por iniciale të ndryshuara, duke e informuar publikun që inicialet janë ndryshuar për të mbrojtur personin nën hetim apo dëshmitar të një çështje kriminale.

 

 

 

 

Standartet etike dhe incidenti me gazetarin e Ora NEWS, Isa Myzyraj

/in

Në dritën e incidentit të ndodhur dje me gazetarin e Ora News (vjegëza këtu: https://www.oranews.tv/kryebashkiaku-i-tiranes-erion-veliaj-intimidon-e-dhunon-gazetaret-e-rtv-ora-dhe-ora-news/) Këshilli Shqiptar i Medias e ndjen për detyrë të përcaktojë standartet etike të intervistimit, detyrimet profesionale dhe të drejtat e gazetarit që interviston në terren, bazuar mbi Kodin e Etikës së Gazetarit Shqiptar.

  1. Është e drejtë absolute e gazetar it të bëjë pyetje dhe t’i drejtojë mikrofonin kujtdo. Pyetjet e gazetarit duhet të jenë me interes publik.
  2. Personat e zgjedhur në poste publike, e kanë mbrojtjen e privatësisë më të vogël se njerëzit e zakonshëm. Sa më i lartë posti, aq më e vogël rrezja e privatësisë. Personat publikë e kanë për detyrë të përgjigjen pyetjeve me interes publik.
  3. Gazetari nuk mundet të fusë pajisje regjistruese dhe të realizojë regjistrime pa leje në ambientet private të një individi, qoftë ky dhe funksionar publik.
  4. Gazetari nuk mund të pengohet në punën e tij si gazetar, as ti kufizohet liria gjatë ushtrimit të detyrës, aq më tepër kur kjo detyrë realizohet në mjedise publike.

Për sa më sipër, KSHM gjykon që gazetarit të Ora News, Myzyraj, i është kufizuar ilegalisht liria e ushtrimit të profesionit, në funksion të informimit me interes publik, në ambiente publike.

Workshop: “Të drejtat dhe përgjegjësitë e gazetarëve”

/in

Njoftim për media

Tiranë, 25 Shkurt 2021-

Këshilli Shqiptar i Medias organizoi workshop-in në platformën Zoom “Mbrojtja e gazetarëve -Të drejtat dhe përgjegjësitë në ushtrimin e profesionit”.

Ky aktivitet u realizua me mbështetjen e Këshillit të Europës në kuadër të programit JUFREX , që synon të promovojë lirinë e shprehjes dhe lirinë e medias në Shqipëri në përputhje me standardet e Këshillit të Evropës.

Workshop i zhvilluar në Zoom “Të drejtat dhe përgjegjësitë e gazetarëve”

Qëllimi i këtij workshopi ishte njohja  e gazetarëve të rinj me standardet në mbrojtje të profesionit por edhe detyrimet që i rrjedhin në ushtrimin e tij.

Drejtorit ekzekutiv i Politiko.al,  Alfred Lela, i cili moderoi panelin e ekspertëve e cilësoi mbrojtjen e gazetarëve si sfidë të dyanshme ‘nga njëra anë standardet që duhen mbrojtur pavarësisht vështirësive dhe, nga ana tjetër ne si komunitet përballë faktorëve të tjerë’.

Në panel morën pjesë ekspertë ndërkombëtarë dhe lokal nga fusha e gazetarisë dhe jurisprudencës  ndërsa u ndoq nga gazetarë të rinj.

  1. Koloreto Cukali, Drejtori Ekzekutiv i Këshillit Shqiptar të Medias tha se ‘për çështje të etikës shpresën e kam tek gazetaret e rinj pasi një pjesë e gazetarëve të vjetër i janë futur shumë thellë kompromiseve të profesionit. Ai iu drejtua pjesëmarrësve duke i thënë se ‘Nga puna e bërë me trajnimet jemi shumë entuziast që një pjesë prej jush do të ndihmojë për të ngritur sa më shumë profesionin në të ardhmen”.

Këshilltarja ligjore pranë Qendrës Europiane për Lirinë e Shtypit dhe Medias, Flutura Kusari tha se sipas raporteve rreziqet qe i kanosen gazetareve janë të shumëansheme dhe përdoren si  mjet për t’i frikësuar dhe hutuar gazetarët që të mos e bëjnë punën e tyre ‘Efektet e kërcënimeve janë frenuese dhe nuk lejon kryerjen e një gazetarie të mirëfilltë’. Sipas Kusarit, ne nivele të larta është edhe dhuna ndaj grave që sipas një raporti të 2020  është fizike, politike a akoma më shumë on line. Presioni anonim online krijon një ambient të pasigurtë.

Këshilltarja ligjore pranë Qendrës Europiane për Lirinë e Shtypit dhe Medias, Flutura Kusari gjatë prezantimit të saj

Shteti është garantuesi kryesor i të drejtës së profesionit. Siaps Kusarit ‘nëse për arsye të ndryshme Shteti nuk u frikësohet mekanizmave kombëtare të mbrojtjes së gazetarëve, qëndrimi i tyre ndryshon kur u tërhiqet vëmendja nga mekanizmat ndërkombëtarë’.

Kusari përfundoi duke thënë ‘nëse duam që të kemi një mbrojtje më efikase duhet që të ketë dokumentim të rasteve dhe ndihmë nga mekanizmat dhe platformat e huaja’.

Drejtori ekzekutiv i Res Publica Dorian Matlija i cili ka mbrojtur përpara gjykatës shumë çështje të gazetarëve tha se ‘gazetarët duhet t’i njohin të drejtat dhe detyrimet në mënyrë që të kenë konfidencë të mjaftueshme për të përballuar kërcënimet pasi në momentin e parë që marrin një padi krijohet efekti i intimidimit’.

Sipas Matlisë, ‘kur një gazetar bën përpjekje duke respektuar parimet e Kodit të Etikës, tregon që qëllimi i tij është informimi i publikut, jo shpifja dhe gjykata mban anën e gazetarit edhe nëse ky i fundit  ka një informacion jo të saktë në raportimin e tij’.

‘Fushatat shpifëse ndaj gazetarëve janë instrumenti më i mirë i padive. Padia është një proces që zgjat shumë po dhe nxjerr të vërtetën në fund’ përfundoi ai

Për të ndarë eksperiencën e tyre të kërcënimet për shkak të profesionit të pranishëm ishin dhe  gazetari Artan Rama dhe Alice Taylor.

Rama këshilloi gazetarët që nëse duan të zgjedhin që të punojnë shkrime investiguese në momentin e parë që rrezikohen nga kërcënimet apo sulmet nuk duhet të zgjedhin zhurmën si mënyrën më të mirë për tu mbrojtur pasi kështu vështirësojnë punën e tyre.“Të gjithë që zgjidhni gazetarinë investigative do të rrezikoheni të paktën një herë që të përfundoni si të paditur në Gjykatë’ tha ai.

Ndërsa Gazetarja e Exit.al, Alice Taylor, ndaj të cilës dy vjet më parë nisi një fushatë sulmi mediatik duke e akuzuar si ‘spiune ruse’  komentoi se sulmi nisi pas një interviste  për Russia Today dhe se e gjithë situata ndodhi në një kohë që ajo po përjetonte shtatzëninë e saj ‘Krizat e forta të ankthit që më pasuan nga kërcënimet e shumta në rrjetet e mia sociale krijuan një situatë të rrezikshme e cila mund të rezultonte fatale për mua apo vajzën time’ tha Taylor.

Alice i këshillon gazetarët që në punën e tyre, pavarësisht se mund të jenë të detyruar të bëjnë shkrime kundër një personi apo gazetari tjetër duhet të tregohen të kujdesshëm pasi informacion që ata publikojnë mund të krijojë pasoja negative tek individët për të cilët kanë shkruar.

Ky është aktiviteti i dytë në serinë e takimeve me profesionistë të medias që realizohen në kuadër të programit JUFREX.

Aleanca për Media Etike mbidhet për herë të dytë për përcaktimin e një mekanizmi vetërregullues

/in

Tiranë më, 30 Shtator 2020


16 media anëtare të Aleancës për Media Etike u mblodhën ditën e sotme për të finalizuar procesin e vetërregullimit dhe përzgjedhjen e  grupit të Bordit të Etikës.

Gjatë këtij takimi u përzgjodh“Bordi i Etikës”, në përbërje të të cilit do të jenë personalitet  në fushën e gazetarisë, jurispudencës dhe shoqërisë civile të njohur për integritet profesional me propozim të anëtarëve të Aleancës, Këshillit Shqiptartë Medias si dhe Departamentit të Gazetarisë në Universitetin e Tiranës. Pesë anëtarët e propozuar janë: Dorian Matlija, avokat, Mark Marku, pedagog nga Departamenti i Gazetarisë dhe ekspert i etikës, Klodiana Kapo nga Faktoje.al, Alice Taylor nga Exit.al si dhe Lorin Kadiu nga Citizens-Channel.

Bordi, i votuar pa kundërshtime nga anëtarët e Aleancës, do të shqyrtojë ankesat e qytetarëve për mediat e Alencës dhe rekomandimet e veta do ia përcjellë medias përkatëse.

Çdo qytetar do të mund të ankohet për etikën e shkrimeve në mediat e Aleancës. Në takim u prezantua edhe logo “e cilësisë”, që do të simbolizojë angazhimin e anëtarëve të Aleancës për raportim cilësor, bazuar në kodin e etikës së gazetarit. Logoja do të jetë e klikueshme dhe do të vendoset në faqet e mediave anëtarëve të Aleancës, ku publiku do të mund të regjistrojë ankesa që lidhen me shkeljet e etikës ose dëmtimit për shkak të raportimit abuziv.

“Ne duhet t’i tregojmë publikut që kur sheh logon e aleancës e kupton që kjo media ka përgjegjshmëri etike, nuk është media pirate dhe është e hapur të presë ankesat e tyre.” – u shpreh Koloreto Cukali, kryetari i Këshillit Shqiptar të Medias.

Ylli Rakipi  përfaqësues i Tpz.al sugjeroi se kjo nismë është shumë e mirë, por nuk konsiderohet si nismë e çuar deri në fund nëse nuk kthehet në kuadër ligjor. Sipas Rakipit “parlamenti shqiptar ose bashkësia ndërkombëtare duhet të detyrojnë autoritetet shqiptare që kjo të kthehet në ligj. Po nuk mori një fuqi ligjore kjo mbledhje nuk shon deri  në fund si nismë.” Gjykata shqiptare nuk e merr parasysh kodin e etikës së gazetarit në proceset gjyqësore që hapen ndaj gazetarëve.

Mark Marku  përfaqësues i Departamentit të Gazetarisë u shpreh se ky takim duhet të të shfrytëzohet si një mundësi, si një fazë e përafrimit të legjislacionit të medias, me legjislacionin europian.

“Kjo është një fazë parapregatitore që rrit fuqinë. Mendoj që  në një fazë më të largët mediat do të jenë të interesuara që të kenë një vulë etike, duan  garanci. Pra, vula etike do të shërbejë si një markë për mediat, portalet për të dalluar nga prodhuesit që nuk japin garanci për cilësinë e informacionit. Mendoj se do të funksionojë si organizim.”, u shpreh Mark Marku.

Sami Neza, drejtues i Dron.al, kërkoi që Aleanca të gjejë një zgjidhje për armatën e “trolls” dhe “boots” të cilët të paguar nga institucione të caktuara arrijnë të eleminojnë shkrime investigative nga FB ose mediat e tjera sociale. Valmora Gogo, përfaqësuese e Hashtag.al dhe Gogo.al kërkoi që Këshilli i Medias të monitorojë mediat e Aleancës e të bëjë publike kush janë shkelësit më të mëdhenj të etikës.  Alfred Lela, drejtues i Politiko.al kërkoi që Aleanca të ketë mbështetje maksimale nga institucionet Europiane.

Këshilli Shqiptar i Medias, njëkohësisht mbështetësi logjistik i Aleancës, ka në strategjinë e vet të gjejë zgjidhje për të gjitha këto probleme, një ndër të cilat është dhe shkelja e kopirajtit, që dëmton shumë punën e gazetarëve që lodhen për të krijuar përmbajtje cilësore.

Aktiviteti u organizua me mbështetjen  e  projektit  “Liria e Shprehjes dhe Liria e Medias në Evropën Jug-Lindore (JUFREX)” të zbatuar në kuadër të Programit të Përbashkët të Bashkimit Evropian dhe Këshillit të Evropës “Instrumenti Horizontal për Ballkanin Perëndimor dhe Turqinë II”.

Mediat anëtare të AME-s të bashkuara me iniciativën e KëshillitShqiptartë Medias janë:

 

  1. 27.al
  2. Citizens-Channel.com
  3. Dita.al
  4. Droni.al
  5. Dosja.al
  6. Exit.al
  7. Faktoje.com
  8. Gazeta-Shqip.com
  9. Hashtag.al
  10. Gogo.al
  11. Lapsi.al
  12. Mapo.al
  13. NOA.al
  14. Opinion.al
  15. ORA News
  16. ORA TV
  17. Politiko.al
  18. Shqiptarja.com
  19. Syri.net
  20. Report Tv
  21.  Gazeta Fjala
  22. TvT
  23. Tpz.al

 

 

 

 

Shoqata e mediave dhe të shoqërisë civile kundër tentativave të reja për të kaluar projektligjin Antishpifje

/in

Deklaratë

Tiranë më 12 shtator 2020

 

Shoqëria civile i bën thirrje Kuvendit të Shqipërisë të heqë dorë nga projektligji aktual antishpifje dhe të nisë procesin nga e para

 

Pesëmbëdhjetë organizata shqiptare të Shoqërisë Civile janë informuar në rrugë jozyrtare për një përpjekje nga ana e shumicës parlamentare të Partisë Socialiste për të çuar përpara, në mënyrë jokorrekte dhe jotransparente projektligjin e shumëdebatuar për mediat online, duke mos respektuar në tërësi opinionin e Komisionit të Venecias dhe duke anashkaluar disa nga vërejtjet më të rëndësishme të këtij opinioni.

Organizatat janë informuar se Kuvendi i Shqipërisë ka në plan të shqyrtojë dekretin e Presidentit Meta për rikthim të ligjit për rishqyrtim dhe në bazë të nenit 86 të rregullores, të trajtojë vetëm ato pika për të cilat Presidenti ka pasur vërejtje.

Organizatat vërejnë se kjo është mënyra e gabuar e trajtimit të problemit dhe nuk adreson shqetësimin kryesor të ngritur nga Opinioni i Komisionit të Venecias. Për rrjedhojë, organizatat i bëjnë thirrje Kuvendit të Shqipërisë të pranojë dekretin e Presidentit dhe të rinisë procesin nga e para në mënyrë që një nismë e tillë ligjore të ndërmerret vetëm pasi të jemi siguruar për respektimin e Kushtetutës së Republikës së Shqipërisë dhe standardeve ndërkombëtare mbi lirinë e shprehjes.

Trajtimi nga ana e ligjvënësve i vetëm shqetësimeve të ngritura nga dekreti i Presidentit do të sillte injorimin e disa vërejtjeve shumë serioze të ngritura nga Komisioni i Venecias dhe për rrjedhojë, do të krijonte një ligj problematik dhe cenues të lirisë së shprehjes.

Komisioni i Venecias, në opinionin e vet në pikën 71 shkruhet: [Komisioni] këshillon kundër zgjerimit të mandatit të AMA në fushën e medias online pa një fuqizim korrespondues të pavarësisë dhe profesionalizmit të këtij institucioni.”

Organizatat vërejnë se pavarësia dhe profesionalizmi i këtij Institucioni të pavarur (AMA) që Venecia rekomandon, nuk garantohet me korrektime në legjislacion, aq më tepër në kushte të urgjencës/shpejtësisë, por kërkon një debat të mirëfilltë që më së pari duhet te vijë si nismë e vetë gazetarëve profesionistë dhe jo e ekzekutivit/parlamentit.

Organizatat rikujtojnë gjithashtu se në pikën 72 të opinionit, Venecia rekomandon trajtimin e problemit të sjelljes dashakeqe dhe të papërgjegjshme në internet përmes vetërregullimit dhe jo rregullimit administrativ, gjë që tregon se përpjekja e parlamentit për të çuar përpara këtë ligj bie ndesh me opinionin e Venecias.

Për sa më sipër, organizatat kërkojnë nga Kuvendi i Shqipërisë të mos vijojë me planet për të vënë në fuqi një ligj që bie ndesh me kushtetutën dhe praktikat më të mira ndërkombëtare.

Organizatat shprehin gatishmërinë të ndihmojnë Kuvendin e Shqipërisë në trajtimin e shqetësimeve të ngritura më herët.

 

Lista e organizatave nënshkruese:

BIRN Albania

Civil Rights Defenders

Citizens Channel

Faktoje

Grupi Shqiptar për të drejtat e njeriut

Këshilli Shqiptar i Medias

Komiteti shqiptar i Helsinkit

Lidhja e Gazetarëve të Shqipërisë

New Media Network

Qendra Res Publica

Qendra Shqiptare MediaLook

Qendra Shqiptare për Gazetari Cilësore

Shoqata e Gazetarëve Profesionistë të Shqipërisë

Shoqata e Gazetarëve Europianë të Shqipërisë

Unioni i Gazetarëve Shqiptarë

 

UNESCO mirëpret thirrjen e këshillëve të shtypit për raportim të përgjegjshëm mbi COVID-19 në Evropën Jug-Lindore

/in

“Raportimi joprofesional për COVID-19 çon në frikë dhe panik të panevojshëm. Mund të jetë një rrezik më i madh sesa vetë koronavirusi, “paralajmëroi Marina Tuneva, Drejtore e Këshillit të Etikës së Mediave në Maqedoni (KEMM).

Më 27 shkurt 2020, Këshilli i Etikës së Mediave të Maqedonisë (CMEM) mori drejtimin në lëshimin e një njoftimi për shtyp duke bërë thirrje për mediat në Maqedoninë e Veriut që të jenë të kujdesshëm në zgjedhjen e tyre të burimeve të informacionit. Deklarata, e mirëpritur dhe e miratuar gjerësisht nga media, i nxiti ata të shmangnin sensacionalizmin dhe nënvizonte përgjegjësinë që mbajnë gazetarët. Ky veprim i hershëm për të parandaluar përhapjen e mëtejshme të dezinformatave, kujtoi mediat për rolin e tyre vendimtar në informimin me përgjegjësi dhe saktësi të publikut.

“Ne nuk jemi duke luftuar vetëm një epidemi, por jemi duke luftuar një infodemi”, paralajmëroi Dr. Tedros Adhanom Ghebreyesus, Drejtori i Përgjithshëm i Organizatës Botërore të Shëndetit

Sidoqoftë, Këshilli i Mediave pranoi disa ankesa nga qytetarët në lidhje me raportimet joetike mbi COVID-19. Prandaj Këshilli i Mediave bashkoi forcat me Shoqatën e Gazetarëve të Maqedonisë Veriore për të lëshuar Udhëzime specifike për raportim etik, të përgjegjshëm dhe profesional mbi koronavirusin në gjuhët maqedonase dhe shqipe, të dërguara në të gjitha organizatat e mediave të vendit më 17 mars 2020.

“Ne nuk jemi duke luftuar vetëm një epidemi, por jemi duke luftuar një infodemi”, paralajmëroi Dr. Tedros Adhanom Ghebreyesus, Drejtori i Përgjithshëm i Organizatës Botërore të Shëndetit (OBSH). “Mënyra se si këshilli i mediave në Maqedoninë e Veriut  reagoi menjëherë ndaj krizës COVID-19 duke lëshuar udhëzime specifike për media në vend është shumë e nevojshme dhe e mirëpritur. Këshillat e shtypit kanë një rol vendimtar për të siguruar që media të angazhohen ndaj standardeve profesionale, të shmangin qarkullimin e thashethemeve për virusin dhe madje të ndihmojnë në zbulimin e gënjeshtrave të përhapura në mediat sociale, “theksoi Adeline Hulin nga Zyra e Brukselit e UNESCO-s.

Ndërsa Evropa Juglindore është e ekspozuar ndaj përhapjes së dezinformatave,  projektit të UNESCO-s  për ndërtimin e besimit ndaj medias Evropën Juglindore dhe Turqi në të financuar nga BE – Faza 2 dëshmon veçanërisht  rëndësinë. Projekti synon të forcojë përgjegjshmërinë e mediave dhe të sensibilizojë shoqërinë për zbulimin e “dezinformimit”. Për ta arritur këtë, projekti ofron mbështetje të drejtpërdrejtë për këshillat e shtypit dhe medias për të forcuar përkushtimin e mediave ndaj standardeve profesionale dhe etike të gazetarisë. Në të njëjtën kohë, ajo forcon Edukimin për Median dhe Informacionin në rajon për të fuqizuar qytetarët, veçanërisht rininë e rajonit, të mendojnë në mënyrë kritike për informacionin që marrin përmes mediave, veçanërisht, mediave sociale.

“Këshillat e shtypit kanë një rol vendimtar për të siguruar që media të angazhohen ndaj standardeve profesionale, të shmangin qarkullimin e thashethemeve për virusin dhe madje të ndihmojnë në zbulimin e gënjeshtrave të përhapura në mediat sociale” – Ade; ine Hulin, Zyrtare e Projektit, Zyra Ndërlidhëse e UNESCO-s në Bruksel.

Jo vetëm KEMM lëshoi ​​udhëzime për raportimin mediatik të COVID-19. Kur Organizata Botërore e Shëndetësisë (OBSH) e shpalli COVID-19 një pandemi, Këshilli i Shtypit i Kosovës * (nën Rezolutën 1244) lëshoi ​​një deklaratë duke theksuar rolin e rëndësishëm të mediave në luftimin e kësaj krize shëndetësore, duke raportuar me përgjegjësi, duke iu referuar burimeve vetëm të besueshme siç janë Organizata Botërore e Shëndetit (OBSH), Instituti Kombëtar i Shëndetit Publik dhe burime qeveritare. Këshilli i Shtypit i Kosovës * (nën UNSCR 1244) theksoi përpjekjet e Ministrisë së Shëndetësisë dhe Institucionit për Shëndet Publik për të informuar qytetarët në mënyrë të saktë dhe në kohë për masat që merren. Në mënyrë të ngjashme, në Bosnjë dhe Hercegovinë, Këshilli i Shtypit iu referua rekomandimeve të OBSH dhe kujtoi mediat nëse rëndësia e shmangies së stigmatizimit të atyre që kanë virusin. Ai gjithashtu lëshoi ​​një “Kujtesë për Media” në 12 Mars 2020 për të ruajtur standarde të larta profesionale në të gjitha rrethanat siç përcaktohet me Kodin e Shtypit. Në Serbi, Këshilli i Shtypit mirëpriti deklaratat e organizatave të lajmeve siç është Shoqata e Gazetarëve të Serbisë (UNS) për t’u siguruar qytetarëve raportime të rregullta, të verifikuara, të sakta dhe faktike dhe për të shmangur sensacionalizmin që çon në panik. Si rezultat, Ministria Serbe e Shëndetësisë krijoi një faqe interneti të specializuar me azhurnime institucionale çdo 12 orë.

Në Shqipëri, Këshilli i Mediave nuk lëshoi ende një njoftim për shtyp ose udhëzime specifike për median. “Ne e monitorojmë situatën nga afër dhe media shqiptare deri më tani po ofron raportim të përgjegjshëm për situatën COVID-19 në vend,” tregoi Koloreto Cukali, Drejtori i Përgjithshëm i organit të vetë-rregullatorit. Sidoqoftë, Z. Cukali shprehu shqetësimin për mungesën e qasjes së mediave shqiptare në informacione transparente për situatën aktuale në vend pasi Ministria e Shëndetësisë duhet të japë lejen e saj paraprake për të gjithë stafin mjekësor që të intervistohet. Duke ndjerë se këtu transparenca, besimi në media dhe raportimi i duhur është minuar në mënyrë sistematike, Këshilli i Mediave Shqiptare dhe disa organizata mediatike lëshuan një deklaratë ku kërkuan rritje të aksesit në informacion dhe reagimin ndaj qeverisë duke fajësuar mediat për të ashtuquajturin “infodemik”.

Ndërsa dezinformimi në lidhje me COVID-19 vazhdon të përhapet në mediat sociale, Organizata Botërore e Shëndetit (OBSH) u kujtoi mediave që fjalët e zgjedhura për të raportuar në lidhje me pandeminë duhet të zgjidhen me kujdes. Për shembull, për të shmangur përdorimin e “viktimave” dhe në vend të kësaj të flasim për “njerëz me COVID-19” ose të shmangni të folurit për njerëzit “që transmetojnë ose infektojnë virusin” pasi ai nënkupton transmetimin e qëllimshëm dhe cakton fajet.

“Provat tregojnë qartë se stigma dhe frika përreth sëmundjeve ngjitëse pengojnë përgjigjen. Ajo që funksionon është ndërtimi i besimit në shërbime dhe këshilla të besueshme shëndetësore, shfaqja e empatisë me të prekurit, kuptimi i vetë sëmundjes dhe miratimi i masave efektive, praktike, në mënyrë që njerëzit të ndihmojnë të mbajnë veten dhe të dashurit e tyre të sigurt, “thekson Organizata Botërore e Shëndetit (OBSH).

Lexo artikullin origjinal të UNESCO-s këtu.

Gazetarët Kundër Ligjit Censurë për Mediat (“paketa antishpifje”)

/in

Deklaratë e gazetarëve shqiptarë

Tiranë, 13 nëntor

Gazetarët shqiptarë, mediat shqiptare, organizatat e medias dhe ato të shoqërisë civile i bëjnë thirrje qeverisë të tërheqë menjëherë dhe pa negociata dy projektligjet e prezantuara si “Paketa Antishpifje”; i bëjnë thirrje Qeverisë që të tërheqë urgjentisht këto projektligje.Organizatat vërejnë se dy projektligjet, ai për transformimin e AMA-s në një agjenci censure, dhe të AKEP-it në një agjenci përmbarimore për vendimet censuruese të AMA-s, përbëjnë një akt të paprecedent në botën demokratike.
Çështjet e etikës, të tilla si e drejta e përgjigjes ndaj një akuze, apo e drejta e dhënies së fjalës para publikimit të një akuze, në çdo vend demokratik trajtohen nga kodet e etikës dhe organet vetërregulluese të medias.
Çështje të luftës hibride, dizinformimit, financimit me para të pista të medias apo partive politike nga politika apo krimi i organizuar janë të tilla që duhet të hetohen nga organet ligjzbatuese në përputhje me ligjet dhe garancitë që ofrohen nga ligjet ekzistuese, të tilla si kodi penal apo kodi i procedurës penale.
Shqipëria ka ligje që rregullojnë çështjet kur media shkel të drejtat e të tjerëve dhe çdo ndërhyrje tjetër, përfshirë krijimin e një organi administrativ është krejtësisht i panevojshëm në një shoqëri demokratike.
Çështjet e shpifjes dhe fyerjes në Republikën e Shqipërisë dhe në çdo vend ku sundon shteti i së drejtës duhet të shqyrtohen vetëm dhe vetëm në gjykata si pushtet i pavarur. Tentativa për të zëvendësuar gjykatat me organe drejtpërsëdrejti në varësi të pushtetit politik përbën bazë për shkelje të rënda të të drejtave themelore të njeriut dhe mund të transformohet në një gur themeli për një regjim diktatorial.